खेजड़ली बलिदान री कथा

मनख मिटावै बिरछ नै, बिरछ बचावै मनख ।
लै भाया बिरछ लगाव, प्रेम जीवन मैँ भर ॥
प्रेम जीवन मैँ भर मिलसी ठाडी छाँवङी।
सांसा रो आधार  लंघेला पार नावङी ॥
कहे किसन चित्त लाय रूंखङा न वाडो मनख ।
मनख मिटावै बिरछ नै, बिरछ बचावै मनख ॥




अभै सिँघ हुकम भाखियो, सूण भण्डारी आय ॥
नूँवी नीँव कठै भराँ, बतावो चित्त सुवाय ॥1॥
महल निर्माण सुरु भयो, दीवाँण निरखै काज ॥
चूनो पकतो रह गियो, खुटी लकड़याँ राज ॥4॥


उण जाँ रोक्या ऊँठङाँ, जित कल्प बिरछ गाँव ॥
ठाडो चालै बायरौ, ठाडी गाढ़ी  छाँव ॥7॥


अभैसिँघ न्रप हुकुम सूं, आविया वाढण रूँख ॥
गिरधर म्हारे नाँव सूं, अबे चलेला टूँक़ ॥10॥


ह्वैला हुय आगै उभा, नहीं वढेला रूंख ॥
धोळा मैँ धुड़ नखैली, मयान धरलो टूक़ ॥13॥



पँचा वँचा भेळा हुय'न, कीवी वात विमरस ॥
बेगा इण काळ-टाळ नूँ, कराँ किण विध सरस ॥16॥


सूण कागळ संनेसङो, मनङ हुयो घण रोष ॥
सगळा उण दिख हालिया, जिण दिख आरण घोष ॥19॥



मिरगल्याँ करवल करै, प्रभातै प्रकास भयो ॥
प्रभातै प्रकास भयो,  आत्म आरण आघङियो ॥22॥


धरा धुजै, अम्बर गूँजे, गूँजी जोर अवाज ॥
चहूँ दिख चानण भयो, तिमिर गयो छै भाग ॥25॥


रुँखा लिपट्या नर-नार, भुजंग चंदन बन मांहि ॥
पागळ पण रो आदेस, लिपट्या दिसत नाहीँ ॥28॥


एकण समै  बै उठिया, पहुँता सुरगअइ ठोर ॥
एहडो  आरण जग मह, हुयो न होसी ओर ॥31॥